منتديات قرية ودالأمين العركيين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الاجتماعية الفكرية الثقافية


2 مشترك

    قصيدة غربه للشاعر حميد

    avatar
    الزعيم
    مشرف المنتدي الرياضي


    ذكر عدد المساهمات : 113
    تاريخ الميلاد : 01/01/1980
    تاريخ التسجيل : 27/10/2010
    العمر : 44
    المكان : الخرطوم
    المهنة : طبيب

    قصيدة غربه للشاعر حميد Empty قصيدة غربه للشاعر حميد

    مُساهمة من طرف الزعيم السبت نوفمبر 06, 2010 5:48 am

    غربـة..

    ورينى شن طعم الدروس مادام بكانا مشى قطر
    وكيف ذاتا ترتاح النفوس تقبل قرايتاً فى سفر
    يايمه حان الإمتحان من وقتو بس فاضل شهر
    ما اظنى من جور الزمان انجح واجيب ليكم نمر
    كيف ذاتى يا نبع الحنان انجح من آلام السهر
    عمرك سمعتيلك جبان خاض المعارك وانتصر
    زينوبة كل ما افتح كتاب القاك فى أول سطر
    القى الجداول والصحاب القى الجناين والتمر




    فى الحصة عقلى أنا قام سدر يمه المدرس لو فكر
    كان بلقى قاعد فوق ككر فى الدونكي لسع ما فطر
    يسمع كليمة يا عشاي وأغلى الحكم عند الضجر
    أنا قلبى كلو عليك جناى وقلب جناى على حجر
    والله موش لو كان نهر لو كالنى بسيطان بقر
    مادام عقيل الجن سدر ما اظنو من عندكحضر ر



    بذاتو ابوى تلقاهو قام فاتح كتابو مع الفجر
    يقرأ ويرتل فى كلام ما بفهمو الناس الكفر
    زينوبة كر من حالى كر قاعد لى فوق نيران جمر
    غربة وكمان حالاً فقر عذبنى قبل أصل القبر
    الشوق متل شوك الكتر طعن الجسم لمن خدر
    والله لو ما بنقبل ما كان بفارقك بى شبر



    زينوبة دنيا الإغتراب خلتنى زي ورق الشدر
    اتحت من عدم الشراب عم الأراضى وانتشر
    الغربة اصلو طعيمها مر لكنى بقعد بالجبر
    لمن سنين الهم تمر يا ربى الهمنى الصبر



    يا خالة :
    ما تقولى لى دخل البطون
    والفى البطون ما بتمرق
    يا خالة شيليها الظنون
    والله مابينكن فرق
    ما زى بعض لوبي الجروف
    قوليها لو كان تنطق
    خالتى المجنح ما بيطير
    واللاحقه ايدك بتلحق
    وين انتى شفتيلك بعير
    معقول محكم وينطلق
    يا خالة كيف اصبح غريب
    وأنا روحى من روحك خلق
    والله أقرب من قريب
    والغنوة معوان للخلق
    ما شفتى ناسا حالها كيف
    قلب الجبل ليهن برق
    كم ليلة ما غمدو الطريف
    سدت دموعن فى الحلق
    يتباكو ما شفتى النحيب
    ساعتو البيبدا من القلب
    آه وآشريري على الغريب
    اليومى دمعو بينسكب تلقيهو يرفع الليدين
    لافوق يلاهى وينضرب
    يا الله يرجع لا متين قلباً معذب ومغترب
    طعم الدروس يا يمه ليك
    لى كل مهاجر ومغترب
    ضاق الكؤوس المرة ديك
    وآه من حناضلاً تنشرب
    مش كل ما لاح صباح
    يتماروا ناسك فى الدرب
    الجاي وارد واب ملاح
    يا بت ترب زولاً تلب
    يبقى الغنا السلوى الملاذ
    للقلبو فى الساساق غلب
    لو صدق المطر الحراز
    ما كان من الأشواق تعب
    انتى اللسان الماب يقع
    فى زلة لا يوم ينزلق
    فيض الحنان المن نبع
    لا قل لا يوم نتمحق
    جاهو الجنوب سابق الشمال
    جاهو المشحتف فى الشرق
    جاهوالغرب شادى الرحال
    شيل يا غمام منو وأسق
    يا الله شدة ماك رحيم
    أديتنى أُمين تنسبق
    لى ضمى بالحضن القديم
    الدافى شوق وعشق وعشق

    [/right]
    avatar
    سوزان
    عضو جديد


    انثى عدد المساهمات : 23
    تاريخ الميلاد : 25/01/1993
    تاريخ التسجيل : 01/11/2010
    العمر : 31
    المكان : الخرطوم
    المهنة : طالبه جامعيه

    قصيدة غربه للشاعر حميد Empty رد: قصيدة غربه للشاعر حميد

    مُساهمة من طرف سوزان السبت نوفمبر 06, 2010 6:22 am

    روعه الاحساس وقمه الابداع لك التحيه انت والشاعر

      الوقت/التاريخ الآن هو الخميس مارس 28, 2024 8:00 am